ភ្នំពេញ:កាលពីពេលថ្មីៗនេះ អ្នកប្រើប្រាស់អ៊ិនធើណេតជាច្រើន បានមានការភ្ញាក់ផ្អើលយ៉ាងខ្លាំង ក្រោយពីវីឌីអូឃ្លីបរបស់លោក ករុណា ពេជ្រ ដែលបានច្រៀងនៅក្នុងកម្មវិធី “តន្ដ្រីថ្ងៃអាទិត្យ” របស់ស្ថានីយទូរទស្សន៍ CTN ត្រូវបានបង្ហោះនៅលើបណ្ដាញ ទំនាក់ទំនងសង្គមហ្វេសប៊ុក ពីបញ្ហា ច្រៀងដោយចាក់ស៊ីឌី ហើយធ្វើត្រាប់ តាមតែឌីសនោះត្រូវបានគាំងជាប់។
កាលពីមុនបុណ្យចូលឆ្នាំខ្មែរ តារាចម្រៀងរូបនេះ ត្រូវបានទស្សនិកជនគាំទ្របទ “កំលោះបុកល្ហុង” និង “រូបអូនឈ្មោះខ្ញុង” ។ តែមកដល់ ពេល នេះ បើមើលតាមរយៈវីឌីអូឃ្លីប បង្ហាញ ឱ្យឃើញថា ក្នុងពេលដែលលោក ករុណា ពេជ្រ កំពុងតែច្រៀងសុខៗ នោះ ស្រាប់តែមានបញ្ហាបច្ចេកទេស កើតឡើង នាំឱ្យប្រិយមិត្ដដែលបាន ទស្សនាវីឌីអូឃ្លីបនេះរួចបានបញ្ចេញមតិ រិះគន់ជាច្រើនយ៉ាងចាស់ដៃ ។
បើតាមរូបភាពវីដេអូឃ្លីបនេះ គឺបង្ហាញពី ករុណា ពេជ្រ ឡើងច្រៀង លើឆាកតន្ដ្រីទូរទស្សន៍ ជទណ ដោយ ច្រៀងបទ “ស្មារតីយុវជន” ។ តាមប្រភព ព័ត៌មានបង្ហាញថា ករុណា ពេជ្រ ច្រៀងបទស្មារតីយុវជន លើឆាកតន្ដ្រីចំពោះមុខ អ្នកទស្សនារាប់រយនាក់ និងចំពោះមុខ ទូរទស្សនិកជនរាប់ម៉ឺននៅតាម គេហដ្ឋាននោះ គឺករុណាពេជ្រ គ្រាន់តែ ហើបមាត់ម្ហបៗធ្វើត្រាប់តាមប៉ុណ្ណោះ មិនបានបញ្ចេញសំឡេងសំនៀងអ្វីទេ? លុះពេលជាប់ឌីស ស្រាប់តែមាត់នៅ តែម្ហបៗជាមួយកាយវិការ ប៉ុន្ដែអត់ឮ សំឡេងអ្វីទាំងអស់ ក្រៅតែពីឮសំឡេង ទាក់ឌីស ដូច្នេះទើបគេដឹងថា លោកមិន បានច្រៀងដោយសមត្ថភាពផ្ទាល់ខ្លួន នោះទេ... នេះគឺជារឿងអាម៉ាស់មួយ ។
ទោះជាយ៉ាងណា លោក ករុណា ពេជ្រ ដែលជាម្ចាស់ បទ “កំលោះបុកល្ហុង” ក៏បានធ្វើការបក ស្រាយចំពោះបញ្ហារអាក់រអួលលើ បណ្ដាញទំនាក់ទំនងសង្គមហ្វេសប៊ុកថា “ខ្ញុំសូមអភ័យទោសអ្នកទាំងអស់គ្នា ខ្ញុំចាក់ស៊ីឌី ព្រោះបទនេះជាបទថ្មី ។ ខ្ញុំចាក់ស៊ីឌីនេះ ព្រោះតែទើបធ្វើការ ផ្សព្វផ្សាយលើកដំបូង ប៉ុន្ដែពេលដែល បទខ្ញុំល្បី ខ្ញុំនឹងខំច្រៀងដោយមិនចាក់ ឌីសទៀតទេ ។ ខ្ញុំសង្ឃឹមថា អ្នកទាំង អស់គ្នានឹងយល់អំពីខ្ញុំ ”។
អ្នកដែលបានឃើញ ក៏បានធ្វើ ការរិះគន់ថា “ពេលខ្ញុំទៅមើលការ សម្ដែងនៅលើឆាក ព្រោះចង់ឃើញ របស់ពិត បើក្លែងក្លាយដដែលទេ សុខ ចិត្ដស្ដាប់នៅផ្ទះកុំធ្វើអ៊ីចឹងថ្ងៃក្រោយនាំ ខ្មាសគេ ។ បើមនុស្សមានសមត្ថភាពគេ សរសេរជាភាសាខ្មែរហើយ មិនចាំបាច់ សរសេរជាភាសាអង់គ្លេសទេ ។ ហើយ មានអ្នកគាំទ្រមួយចំនួនឱ្យលោកករុណា ពេជ្រ ចេញមុខបក ឱ្យបានច្បាស់ជាងនេះ ព្រោះពួកគេជាអ្នកគាំទ្រ ”៕
ប្រភពៈ រស្មីកម្ពុជា
Post a Comment